Сайхан Монгол хэлээр
Амар байна уу? гэж
Амгалан Монгол хэлээр мэндчилье гэж сурагч байхдаа захиа бичдэг байв. Он цаг өнгөрөх хэрээр энэ хөөрхөн дурсамжууд маань мартагдсаар дахиад л нэгэн шинэ онтой золголоо. Блогоор дамжуулан өөрийн үзэл бодол, шүлгээ бичиж багаасаа нөхөрлөсөн тэмдэглэлийн дэвтэр маань төдий л утга учиргүй болсон байна. Энэ нь нэг талаараа дэвшил боловч гараар бичихээс залхуурах, тэмдэглэлийн дэвтэр дэлгэж сууж байхаар нөтбүүкээ дэлгээд сууя гэсэн бодолтой минь шууд холбоотой. Хэдий тийм ч би тэмдэглэлийн дэвтэртээ үнэнч байхаар шийдэж 2013 он гарахад САЙН БАЙНА УУ? 2013 ОН МИНЬ гэж бичиж байгаад шинэхэн тэмдэглэлийн дэвтрээ эхлүүлээ. Тэмдэглэлийн дэвтрийн цэвэрхэн юу ч бичээгүй хуудас 2013 онд амжилтаар минь, амжилтын тухай бодролоор минь, хааяахан үзэглэх шүлгээр минь дүүрнэ гэдэгт итгээд дэвтрээ хаалаа.
Comments
Post a Comment